Kraш се развива и делува во согласност со добрата пракса на корпоративно управување и настојува со својата деловна стратегија, деловна политика, клучните интерни акти и работна пракса да допринесе за транспарентно и ефективно работење, како и да воспостави поквалитетни врски со деловната средина во која работи.
Краш преку бројни општествено одговорни активности и проекти придонесува кон заедницата, вклучувајќи хуманитарни акции, донации и поддршка на образованието. Учествуваме во проекти што поттикнуваат одржлив развој, еднаквост и позитивни општествени промени, со што ја потврдуваме нашата улога на посакуван социјален партнер на сите пазари на кои што делуваме.
Нашата одговорност кон животната средина се огледува во систематското управување со ресурсите, намалувањето на негативните влијанија врз природата и континуираните инвестиции во одржливи процеси. Посебен акцент ставаме на енергетската ефикасност, одговорното управување со водата и отпадот, како и прилагодувањето на климатските промени.
Во Краш веруваме дека силата на нашето работење лежи во луѓето, партнерите, потрошувачите и заедницата. Нашата општествена одговорност се заснова на грижата за вработените, градењето доверба со клиентите и потрошувачите, како и на активниот придонес кон заедницата.
Уште во 1997 година воведен е стандардот ISO 9001, со што е поставена основата за развој на интегриран систем за управување. Со текот на годините системот е проширен и дополнително зајакнат со имплементација на стандарди што ги опфаќаат еколошките, енергетските и етичките аспекти на работењето.
Краш д.д. ги обработува и штити личните податоци во согласност со важечките законски прописи и внатрешните правила.
Во продолжение се дадени кратки информации за начинот на постапување со личните податоци собрани од корисниците на веб-страницата, потрошувачите, учесниците во наградни игри и слични активности, собрани преку оваа интернет-страница или на друг начин.